سورة الزخرف

بَلْ مَتَّعْتُ هَٰؤُلَاءِ وَآبَاءَهُمْ حَتَّىٰ جَاءَهُمُ الْحَقُّ وَرَسُولٌ مُّبِينٌ

بلکہ میں نے مشرکین مکہ اور ان کے باپ دادوں کو (دنیا کی نعمتوں سے) فائدہ اٹھانے (١٢) دیا، یہاں تک کہ دین بر حق آگیا اور اسے صراحت کے ساتھ بیان کرنے والے رسول آگئے

اللہ تعالیٰ نے تمہیں اور تمہارے آباء و اجداد کو جو سامان زیست اور نعمتیں عطا کی تھیں ان کے مزوں میں پڑ کر اللہ سے بالکل غافل ہو گئے۔ یہ شرکیہ رسوم تمہارے سامان عیش و عشرت کا سہارا بنی ہوئی تھیں جنھیں اب تم چھوڑنے پر آمادہ نہیں ہوتے۔ رسول مبین: یعنی یہ رسول تمہیں توحید کی راہیں کھول کھول کر سمجھانے والا ہے۔ حق سے قرآن اور رسول سے محمد صلی اللہ علیہ وسلم مراد ہیں۔