سورة الزخرف

وَجَعَلَهَا كَلِمَةً بَاقِيَةً فِي عَقِبِهِ لَعَلَّهُمْ يَرْجِعُونَ

اور ابراہیم نے اسی کلمہ توحید (١١) کو اپنی اولاد میں جاری کردیا، تاکہ وہ (اپنے رب کی طرف) رجوع کرتے رہیں

سیدنا ابراہیم علیہ السلام نے اپنی اولاد کو بھی یہی تعلیم دی تھی اور ساتھ یہ تاکید بھی کر دی تھی کہ اگر تم میں کوئی اختلاف واقع ہو جائے تو اسی کلمہ توحید کی طرف رجوع کرنا۔ اور میری اس تعلیم کو کبھی نہ بھولنا۔ کہ صرف ایک اللہ کی عبادت کرنا کہ اللہ کے سوا کوئی بھی ایسی چیز نہیں جس کی پرستش کی جائے۔