سورة الزخرف

فَانتَقَمْنَا مِنْهُمْ ۖ فَانظُرْ كَيْفَ كَانَ عَاقِبَةُ الْمُكَذِّبِينَ

پس ہم نے ان سے بدلہ لے لیا، تو آپ دیکھ لیجیے کہ (اللہ اور اس کے رسول کو) جھٹلانے والوں کا انجام کیا ہوا

یعنی ان کی ضد اور ہٹ دھرمی انھیں حق کی قبولیت کی طرف نہیں آنے دیتی پس ایسے اڑیل لوگوں سے ہم بھی ان کی باطل پرستی کا انتقام لینا نہیں چھوڑتے۔ مختلف صورتوں میں ہم انھیں نیست و نابود کرتے ہیں۔ ان کے قصے قرآن میں مذکور و مشہور ہیں۔ غور و تامل کے ساتھ دیکھ، پڑھ لو، اور سوچ سمجھ لو کہ کس طرح کفار برباد کیے جاتے ہیں اور کس طرح مومن نجات پاتے ہیں۔