سورة الشورى

وَالَّذِينَ اتَّخَذُوا مِن دُونِهِ أَوْلِيَاءَ اللَّهُ حَفِيظٌ عَلَيْهِمْ وَمَا أَنتَ عَلَيْهِم بِوَكِيلٍ

اور جن لوگوں نے اس کے سوا دوسروں کو دوست (٣) اور مددگار بنا لیا ہے، اللہ ان کے اعمال کو محفوظ کر رہا ہے، اور آپ ان پر نگراں نہیں مقرر کئے گئے ہیں

یعنی مشرکوں کے اعمال کی دیکھ بھال میں خود کر رہا ہوں، تاکہ ان اعمال پر انہیں پورا پورا بدلہ دوں۔ یعنی آپ اس بات کے مکلف نہیں ہیں کہ ان کو ہدایت کے رستے پر لگا دیں یا ان کے گناہوں پر ان کا مواخذہ فرمائیں۔ بلکہ یہ کام ہمارے ہیں، آپ کا کام صرف پہنچا دینا ہے۔