وَسَارِعُوا إِلَىٰ مَغْفِرَةٍ مِّن رَّبِّكُمْ وَجَنَّةٍ عَرْضُهَا السَّمَاوَاتُ وَالْأَرْضُ أُعِدَّتْ لِلْمُتَّقِينَ
اور تیزی کرو اپنے رب کی مغفرت کی طرف اس کی جنت کی جانب جس کی وسعت آسمانوں اور زمین کے برابر ہے، جو اللہ سے ڈرنے والوں کے لیے تیار کی گئی ہے
جنت کی طرف دوڑ وسے مراد: ایسے کام کیے جائیں جن سے جنت کا حصول ممکن ہوجائے جنت کی صفت بیان فرمائیں کہ آسمانوں اور زمین کے برابر ہے اس کا مطلب یہ ہوگا کہ جب انسان زمین و آسمان کی وسعت کا اندازہ نہیں کرسکتا تو پھر وہ جنت کی وسعت کا کیا اندازہ کرسکے گا۔ اس جنت کی طرف دوڑ کر آؤ جس کے مقابلہ میں یہ سارے آسمان و زمین ہیچ ہیں اور جنت کی قدر و قیمت ان سب سے بڑھ کر ہے۔ ہرقل نے پوچھا کہ اگر جنت کی چوڑائی زمین و آسمان جیسی ہے تو پھر جہنم کہاں گئی تو رسول اللہ نے فرمایا ’’سبحان اللہ دن کے بعد رات کہاں جاتی ہے۔‘‘ (مسند احمد: ۳/ ۴۴۱، ح: ۱۵۶۵۵)