سورة آل عمران

لِيَقْطَعَ طَرَفًا مِّنَ الَّذِينَ كَفَرُوا أَوْ يَكْبِتَهُمْ فَيَنقَلِبُوا خَائِبِينَ

تاکہ اہل کفر کی ایک جماعت کا صفایا کردے یا انہیں شکست دے، تاکہ نامراد واپس ہوں

اللہ کی مدد کا مقصد یہ تھا کہ کفر کا بازو ٹوٹ جائے۔ اور یہ مقصد مکمل طور پر حاصل ہوگیا۔ کافروں کے ستر سردار بمعہ ابوجہل سالار لشکر اس جنگ میں مارے گئے اتنے ہی قیدی ہوگئے۔ اور باقی لشکر ذلیل و خوار ہوکر بھاگ کھڑا ہوا۔ جس کے سوا ان کے لیے کوئی چارہ کارہی نہ رہ گیا تھا۔