سورة الزمر

لَّهُ مَقَالِيدُ السَّمَاوَاتِ وَالْأَرْضِ ۗ وَالَّذِينَ كَفَرُوا بِآيَاتِ اللَّهِ أُولَٰئِكَ هُمُ الْخَاسِرُونَ

آسمانوں اور زمین کی کنجیاں اسی کے پاس ہیں، اور جو لوگ اللہ کی آیتوں کا انکار کرتے ہیں وہی خسارہ اٹھانے والے ہیں

ہر طرح کی معدنیات اور دوسرے خزانے جو زمین میں مدفون ہیں سب اللہ ہی کے علم و تصرف میں ہیں۔ آج بھی اسی کے تصرف میں ہیں اور کل بھی اسی کے تصرف میں ہوں گے نیز جنت و دوزخ بھی اسی کے تصرف میں ہیں لہٰذا جو شخص اللہ کی آیات کا منکر اور اس کا باغی ہے۔ ایسے لوگ یقینا خسارہ میں ہی رہیں گے۔