سورة الزمر

بَلَىٰ قَدْ جَاءَتْكَ آيَاتِي فَكَذَّبْتَ بِهَا وَاسْتَكْبَرْتَ وَكُنتَ مِنَ الْكَافِرِينَ

ہاں، میری آیتیں تم تک پہنچتی (٣٦) تھیں، تو تم نے انہیں جھٹلا دیا تھا، اور تکبر کیا تھا، اور تم کافروں میں سے ہوگئے تھے

جب گنہگار دنیا کی طرف لوٹنے کی آرزو کریں گے اور اللہ کی آیتوں کی تصدیق نہ کرنے کی حسرت کریں گے اور اللہ کے رسولوں کو نہ ماننے پر کڑھنے لگیں گے تو اللہ تعالیٰ فرمائے گا۔ کہ اب ندامت لا حاصل اور پچھتاوا بے سود۔ دنیا میں میں تو اپنی آیتیں اتار چکا تھا۔ لیکن تو انہیں جھٹلاتا رہا۔ اور ان کی تابعداری سے تکبر کرتا رہا۔ ان کا منکر رہا۔ کفر اختیار کیا۔ اب کچھ نہیں ہو سکتا۔