سورة الزمر

لِيُكَفِّرَ اللَّهُ عَنْهُمْ أَسْوَأَ الَّذِي عَمِلُوا وَيَجْزِيَهُمْ أَجْرَهُم بِأَحْسَنِ الَّذِي كَانُوا يَعْمَلُونَ

تاکہ اللہ تعالیٰ ان کے سب سے برے کاموں کو معاف کر دے، اور انہوں نے جو سب سے اچھے کام کئے تھے، ان کا انہیں اجر عطا کرے

یعنی ایسے متقین نے اگر اپنے دور جاہلیت میں کچھ گناہ کے کام کیے بھی تھے تو اللہ ان کو محو کر دے گا پھر اسلام لانے کے بعد انہوں نے جو اچھے کام کیے تھے ان میں سے جو کام سب سے بہتر ہو گا اسی کی جزا کے مطابق دوسرے عملوں کی جزا دی جائے گی خواہ وہ اس پایہ کے نہ ہوں۔ حدیث میں ہے، عمرہ ان تمام گناہوں کا کفارہ ہے جو ایک عمرہ سے دوسرے عمرہ کے درمیان سرزر ہوئے ہوں اور حج مبرور کا بدلہ تو جنت ہی ہے۔ (بخاری: ۱۷۷۳)