سورة ص - آیت 10

أَمْ لَهُم مُّلْكُ السَّمَاوَاتِ وَالْأَرْضِ وَمَا بَيْنَهُمَا ۖ فَلْيَرْتَقُوا فِي الْأَسْبَابِ

یا آسمانوں اور زمین اور ان دونوں کے درمیان پائی جانے والی چیزیں ان کی ملکیت (٥) ہیں (تو پھر) سیڑھیاں لگا کر اوپر چڑھ جائیں

دوسرا سوال یہ ہے کہ کیا یہ زمین و آسمان کی چیزوں کے مالک ہو گئے ہیں جو یہ خدائی اختیارات اپنے ہاتھ میں لینا چاہتے ہیں۔ اگر ایسی بات ہے تو انھیں چاہیے کہ تمام اسباب بروئے کار لا کر آپ صلی اللہ علیہ وسلم پر وحی کا سلسلہ منقطع کر دیں۔ اور جسے یہ رسالت کے لیے منتخب کرنا چاہتے ہیں وحی کا سلسلہ رخ اس طرف موڑ دیں۔