سُبْحَانَ رَبِّكَ رَبِّ الْعِزَّةِ عَمَّا يَصِفُونَ
آپ کا رب جو بہت بڑی عزت والا (٤٢) ہے ان تمام باتوں سے پاک ہے جو یہ بیان کرتے ہیں
اللہ تعالیٰ مشرکین کے بہتانات سے مبرا ہے: اللہ تعالیٰ ان تمام چیزوں اور نقائص سے پاک ہے جو مشرکین اللہ کے لیے بیان کرتے ہیں۔ مثلاً اس کی اولاد ہے یا اس کا کوئی شریک ہے۔ یہ کوتاہیاں بندوں کے اندر ہیں۔ اور اولاد اور شریکوں کے ضرورت مند بھی وہی ہیں۔ اللہ ان سب باتوں سے بہت بلند اور پاک ہے۔ کیوں کہ وہ کسی کا محتاج ہی نہیں ہے کہ اسے اولاد کی یا کسی شریک کی ضرورت پیش آئے۔ سب تعریف اللہ رب العالمین کے لیے ہے: یہ بندوں کو سمجھایا جا رہا ہے کہ اللہ تعالیٰ نے تم پر احسان کیا ہے پیغمبر بھیجے، کتابیں نازل کیں، اور پیغمبروں نے تمہیں اللہ کا پیغام پہنچایا۔ اس لیے تم اللہ کا شکر ادا کرو۔ کہ ہر طرح کی اچھی صفات، خوبیاں اور تعریف کی مستحق صرف اللہ کی ذات ہے۔ کیوں کہ وہی تمام کائنات کا پروردگار ہے۔ الحمد للہ سورۂ صافات کی تفسیر مکمل ہوئی۔