سورة الصافات

فَإِذَا نَزَلَ بِسَاحَتِهِمْ فَسَاءَ صَبَاحُ الْمُنذَرِينَ

پس جب وہ عذاب ان کے آنگن میں اتر پڑے گا، تو ڈرائے جانے والوں کی صبح بہت بری ہوگی

صحیح بخاری میں ہے کہ خیبر کے میدانوں میں حضور صلی اللہ علیہ وسلم کا لشکر صبح ہی صبح کفار کی بے خبری میں پہنچ گیا۔ تو یہودی انھیں دیکھ کر گھبرا گئے۔ جس پر نبی صلی اللہ علیہ وسلم نے یہی فرمایا اللہ اکبر۔ کہ اللہ بہت بڑا ہے خیبر خراب ہوا ہم جب کسی میدان میں اتر آتے ہیں تو ڈرائے ہوؤں کی صبح بہت بری ہوتی ہے۔ (بخاری: ۲۹۴۵، مسلم قبل ح: ۱۸۰۲)