سورة الصافات

وَقِفُوهُمْ ۖ إِنَّهُم مَّسْئُولُونَ

اور ذرا انہیں روک لو (٨) ان سے پوچھا جائے گا

جہنم میں لے جانے سے پہلے یہ حکم ہو گا کہ انھیں کچھ دیر ٹھہرا لو تاکہ ہم ان سے پوچھ گچھ کر لیں۔ کیوں کہ حساب کتاب کے بعد ہی وہ جہنم میں جائیں گے۔ ابن ابی حاتم کی روایت میں ہے نبی صلی اللہ علیہ وسلم فرماتے ہیں جو شخص کسی کو کسی چیز کی طرف بلائے وہ قیامت کے دن اسی کے ساتھ کھڑا کیا جائے گا نہ بیوفائی ہو گی نہ جدائی ہو گی گو ایک ہی کو بلایا ہو۔ پھر آپ صلی اللہ علیہ وسلم نے یہی آیت تلاوت فرمائی۔ (ترمذی: ۳۲۲۸)