سورة الصافات

وَإِذَا ذُكِّرُوا لَا يَذْكُرُونَ

اور جب اس کی یاد دلائی جاتی ہے تو نصیحت حاصل نہیں کرتے ہیں

یعنی یہ ان کا شیوا ہے کہ کوئی نصیحت قبول نہیں کرتے اور کوئی واضح دلیل یا معجزہ پیش کیا جائے تو مسخرا پن کرنے لگتے ہیں اور کہتے ہیں کہ یہ تو جادو ہے۔ ہم کسی طرح اس بات کو نہیں مانتے کہ مر کر مٹی ہو کر پھر جی اُٹھیں گے بلکہ ہمار ے باپ دادا بھی دوسری زندگی میں آ جائیں گے۔ اے نبی! تم ان سے کہہ دو کہ ہاں تم یقیناً دوبارہ پیدا کیے جاؤ گے۔ جیسا کہ سورہ النمل (۸۷) میں فرمایا: ﴿وَ كُلٌّ اَتَوْهُ دٰخِرِيْنَ﴾ سب اس کی بارگاہ میں ذلیل ہو کر آئیں گے۔ سورہ المومن (۶۰) میں فرمایا: ﴿اِنَّ الَّذِيْنَ يَسْتَكْبِرُوْنَ عَنْ عِبَادَتِيْ سَيَدْخُلُوْنَ جَهَنَّمَ دٰخِرِيْنَ﴾ ’’جو لوگ میری عبادت سے انکار کرتے ہیں عنقریب وہ جہنم میں ذلیل و خوار ہو کر داخل ہوں گے۔‘‘