سورة فاطر

الَّذِينَ كَفَرُوا لَهُمْ عَذَابٌ شَدِيدٌ ۖ وَالَّذِينَ آمَنُوا وَعَمِلُوا الصَّالِحَاتِ لَهُم مَّغْفِرَةٌ وَأَجْرٌ كَبِيرٌ

جن لوگوں نے کفر کی راہ اختیار کی ان کے لئے سخت عذاب (٥) ہے، اور جو لوگ ایمان لائے اور انہوں نے نیک عمل کیا ان کے لئے اللہ کی مغفرت اور بڑا اجر ہے

اوپر بیان کیا گیا ہے کہ شیطان کے تابعداروں کی جگہ جہنم ہے یہاں بیان ہو رہا ہے کہ اللہ کے فرمانبرداروں اور نیک اعمال کرنے والوں کے گناہ تو سارے کے سارے معاف کر دئیے جائیں گے۔ رہے نیک اعمال تو ان کا بدلہ بھی اعمال کے مطابق نہیں بلکہ ان سے بہت زیادہ دیا جائے گا ۔ (تیسیر القرآن)