سورة العنكبوت - آیت 58

وَالَّذِينَ آمَنُوا وَعَمِلُوا الصَّالِحَاتِ لَنُبَوِّئَنَّهُم مِّنَ الْجَنَّةِ غُرَفًا تَجْرِي مِن تَحْتِهَا الْأَنْهَارُ خَالِدِينَ فِيهَا ۚ نِعْمَ أَجْرُ الْعَامِلِينَ

ترجمہ تیسیر الرحمن لبیان القرآن - محمد لقمان سلفی صاحب

اور جو لوگ ایمان (٣٤) لائیں گے اور عمل صالح کریں گے، ہم انہیں جنت کے بالا خانوں میں جگہ دیں گے جن کے نیچے نہریں جاری ہوں گی، جن میں ہمیشہ کے لئے رہیں گے، یہ بہت ہی اچھا بدلہ ہوگا نیک عمل کرنے والوں کا

تسہیل البیان فی تفسیر القرآن - ام عمران شکیلہ بنت میاں فضل حسین

یعنی ایمان دار اور نیک اعمال والے لوگوں کواللہ تعالیٰ جنت عدن کی بلندوبالامنزلوں میں پہنچائے گا۔جن کے نیچے قسم قسم کی نہریں بہہ رہی ہوں گی۔یہ نہریں پانی، شراب، شہد اور دودھ کی ہوں گی۔یہ نہریں یہ چشمے،جنتی جہاں چاہیں گے خودبخودبہنے لگیں گے یہ وہاں ہمیشہ رہیں گے۔نہ وہاں سے نکالے جائیں گے نہ ہٹائے جائیں گے۔نہ وہ نعمتیں ختم ہوں گی نہ ان میں گھاٹا ہوگا۔ (ابن کثیر)