سورة العنكبوت

يُعَذِّبُ مَن يَشَاءُ وَيَرْحَمُ مَن يَشَاءُ ۖ وَإِلَيْهِ تُقْلَبُونَ

وہ جسے چاہتا ہے عذاب دیتا ہے جس پر چاہتا ہے رحم کرتا ہے اور تم سب اسی کی طرف لوٹائے جاؤ گے

اللہ تعالیٰ کی رحمت دنیامیں عام ہے۔جس سے کافر، مومن، منافق اورمخلص اور اسی طرح نیک اوربدسب یکساں طورپرمستفیدہورہے ہیں۔اللہ تعالیٰ سب کودنیاکے وسائل،آسائشیں اورمال ودولت عطاکررہاہے۔یہ رحمت الٰہی کی وسعت ہے۔ چنانچہ ارشاد ہے: ﴿وَ رَحْمَتِيْ وَ سِعَتْ كُلَّ شَيْءٍ﴾ (الاعراف: ۱۵۶) ’’میری رحمت نے ہر چیز کو گھیر لیا ہے۔‘‘ رسول اللہ صلی اللہ علیہ وسلم نے فرمایا: اگر اللہ تعالیٰ اپنے تمام آسمان والوں اور اپنے تمام زمین والوں کو عذاب دینا چاہے تو دے سکتا ہے یہ اس کا ان پر ظلم نہیں ہوگا۔ (ابن ماجہ: ۷۷، ابو داؤد: ۴۶۹۹)