فَالْتَقَطَهُ آلُ فِرْعَوْنَ لِيَكُونَ لَهُمْ عَدُوًّا وَحَزَنًا ۗ إِنَّ فِرْعَوْنَ وَهَامَانَ وَجُنُودَهُمَا كَانُوا خَاطِئِينَ
پس فرعون کے گھروالوں نے اسے سمندر سے نکال لیا تاکہ وہ ان کے دشمن اور ان کے رنج والم کاسبب بنے، بے شک فرعون اور ہامان اور ان دونوں لشکروں بڑے ہی خطاوار لوگ تھے
یہ تابوت بہتاہوافرعون کے محل کے پاس پہنچ گیاجولب دریاہی تھاوہاں فرعون کے نوکروں چاکروں نے اسے پکڑکرباہرنکال لیا۔ اور لونڈیاں اسے اُٹھاکرفرعون کی بیوی کے پاس لے گئیں جب اسے کھولاگیاتواس میں ایک نہایت خوبصورت نورانی چہرے والاصحیح سالم بچہ لیٹا ہوا تھا، جسے دیکھتے ہی ان کادل مہرومحبت سے بھرگیا۔اس میں بھی رب کی مصلحت تھی کہ فرعون کی بیوی آسیہ جس کے متعلق قرآن نے ایک دوسرے مقام پر تصریح کردی ہے کہ وہ فرعون کے ظالمانہ کاموں سے سخت بیزارتھی،فرعون کی بیوی کوراہ راست دکھائے اورفرعون کے غرورکوڈھائے۔