سورة النمل

وَمَكَرُوا مَكْرًا وَمَكَرْنَا مَكْرًا وَهُمْ لَا يَشْعُرُونَ

اور انہوں نے ایک چال چلی، اور ہم نے بھی ایک تدبیر کی، اور انہیں اس کا احساس نہیں ہونے دیا۔

جب یہ لوگو اس منصوبہ کی قسمیں کھارہے تھے تواللہ تعالیٰ نے سیدنا صالح علیہ السلام کووحی کردی کہ وہ اپنے خاندان اورایمان والوں کولے کرفوراً بستی سے ہجرت کرجائیں چنانچہ آپ ایمان والوں اور اپنے خاندان کے لوگوں کولے کرفلسطین کے قریب عملہ کے مقام کے قریب آگئے۔ آپ کے اپنی بستی سے نکلنے کی دیر تھی کہ قوم ثمودکے پورے علاقے میں شدیدزلزلہ کاعذاب آیا۔اوراس سے دل دہلانے والی چیخیں اورآوازیں بھی پیداہوئی تھیں زلزلہ اتناشدیدتھاجس نے ان کے پہاڑوں میں بنے ہوئے مکانوں کو کھنڈر میں تبدیل کر دیا اور یہ قوم خود بھی اس عذاب سے ہلاک ہوگئی ۔ انہوں نے مکرکیا۔ہم نے ان کی چالبازی کامزہ انہیں چکھادیا۔