سورة النمل

فَلَمَّا جَاءَتْ قِيلَ أَهَٰكَذَا عَرْشُكِ ۖ قَالَتْ كَأَنَّهُ هُوَ ۚ وَأُوتِينَا الْعِلْمَ مِن قَبْلِهَا وَكُنَّا مُسْلِمِينَ

پس جب وہ آئی، تو اس سے پوچھا گیا کہ کیا تمہارا تخت ایسا ہی ہے تو اس نے کہا ہو بہو وہی ہے اور ہمیں تو پہلے ہی آپ کی برتری کا علم ہوچکا تھا اور آپ کے تابع فرمان ہوچکے تھے۔

ملکہ سبا کی عقل کاامتحان: ملکہ سبا جب سیدنا سلیمان علیہ السلام کے دربار میں پہنچی تو اسے تخت دکھا کر پہلا سوال ہی یہ کیاگیاکہ کیاتمہارے پاس بھی ایسا تخت ہے؟ وہ بڑی عقل مند عورت تھی اس نے فوراً پہچان لیا کہ یہ تخت اسی کاہے۔ البتہ اسی میں کچھ تبدیلیاں کرلی گئی ہیں ۔ لہٰذا اس نے جواب بھی سوال کے مطابق دیتے ہوئے کہاکہ یہ تو بالکل ویسا ہی لگتاہے ۔ اس امتحان میں سیدناسلیمان علیہ السلام نے اس کے عقل مند ہونے کااندازہ کرلیا۔