ایمان اور کفر کی چار اقسام اور جحود کامفہوم: واضح رہے کہ تصدیق و تکذیب کے لحاظ سے ایمان اور کفر کی چار قسمیں ہیں۔ (۱)دل بھی رسالت کی تصدیق کرے اور زبان بھی اقرار کرے، یہ صحیح اور خالص ایمان ہے۔ (۲)دل بھی تکذیب کرے اور زبان بھی انکار کرے، یہ خالص کفر ہے۔ (۳) دل تکذیب کرے یعنی دل میں کفر ہو اور زبان سے ایمان کااقرار کرے یہ نفاق ہے۔ (۴) دل تصدیق کرے لیکن زبان انکار کرے یہ جحود ہے۔ ان میں سے صرف پہلی قسم اللہ کے ہاں مقبول اور پسندیدہ ہے اور تیسری اور چوتھی قسم بھی اگرچہ کفر میں شامل ہے، لیکن یہ بدترین قسم کا کفر ہے اور ایسے لوگ عام کافروں سے زیادہ سزا یاعذاب کے مستحق ہوتے ہیں کیونکہ یہ دونوں اپنی دلی کیفیت کے خلاف گواہی دیتے ہیں۔