سورة الشعراء - آیت 165

أَتَأْتُونَ الذُّكْرَانَ مِنَ الْعَالَمِينَ

ترجمہ تیسیر الرحمن لبیان القرآن - محمد لقمان سلفی صاحب

کیا تم سارے جہاں والوں میں سے مردوں (٤٣) سے خواہش پوری کرتے ہو۔

تسہیل البیان فی تفسیر القرآن - ام عمران شکیلہ بنت میاں فضل حسین

قوم کی سیدنالوط علیہ السلام پرپابندی اورجلاوطنی کی دھمکی: سیدنالوط علیہ السلام نے انھیں اللہ کا پیغام سنایا اور ان کی بدفعلیوں کے بُرے انجام سے انھیں ڈرایا اور اپنی قوم کو ان کی خاص بدکرداری سے روکا کہ تم مردوں کے پاس شہوت سے نہ آؤ،اپنی حلال بیویوں سے اپنی خواہش پوری کرو، جنھیں اللہ نے تمہارے لیے جوڑا بنادیاہے۔ رب کی مقررہ حدوں کا احترام کرو۔ اس کے جواب میں قوم لوط علیہ السلام نے کہاکہ اے لوط! اگر تو ان باتوں سے باز نہ آیا تو ہم تجھے جلا وطن کردیں گے۔ چنانچہ انہوں نے آپس میں مشورہ کیا کہ ان پاک باز لوگوں کو اپنے سے الگ کردو۔