سورة الشعراء

مَا أَنتَ إِلَّا بَشَرٌ مِّثْلُنَا فَأْتِ بِآيَةٍ إِن كُنتَ مِنَ الصَّادِقِينَ

تم تو ہماری طرح ایک انسان ہو اگر اپنے دعوی میں سچے ہو تو کوئی نشانی پیش کرو۔

قوم ثمود کا حسّی معجزہ کامطالبہ: صالح علیہ السلام نے پوچھا:کونسی نشانی چاہیے ہو؟وہ کہنے لگے ہم یہ چاہتے ہیں کہ یہ سامنے جوپتھرکی بڑی سی چٹان ہے ہمارے دیکھتے ہوئے پھٹے اور اس میں سے ایک گابھن اونٹنی برامد ہو جو ہمارے سامنے بچہ جنے توہم آپ پرایمان لے آئیں گے۔صالح علیہ السلام نے اللہ تعالیٰ سے دُعا فرمائی، جسے اللہ تعالیٰ نے شرف قبولیت بخشا چنانچہ پہاڑ پھٹا، جس سے ایک عظیم الجثہ اور دیو ہیکل اونٹنی نکلی۔ جس نے نکلتے ہی لوگوں کے سامنے بچہ جنا۔جب قوم کامطلوبہ معجزہ ظہورمیں آگیاتوآپ نے فرمایا،اب سنوایک دن یہ پانی پیئے گی اورایک دن پانی کی باری تمہاری مقرر رہے گی۔