سورة الفرقان

وَإِذَا أُلْقُوا مِنْهَا مَكَانًا ضَيِّقًا مُّقَرَّنِينَ دَعَوْا هُنَالِكَ ثُبُورًا

اور جب وہ ہاتھ پاؤں بندے ہوئے جہنم کی ایک تنگ جگہ میں ڈال دیئے جائیں گے، تو وہاں وہ اپنی ہلاکت کو پکاریں گے۔

موت کو پکاریں گے: جہنم میں ہر مجرم معاند کے لیے اتنی تنگ جگہ ہوگی جہاں وہ ہل بھی نہ سکے گا۔ علاوہ ازیں ایک ہی نوعیت کے کئی کئی مجرم ایک ساتھ زنجیروں میں جکڑے ہوں گے، جہنم کی لپیٹیں ان کو ہر طرف سے گھیرے ہوں گی۔ وہ اس وقت گھبرا کر موت کو پکاریں گے کہ کاش موت آکر ہماری ان دردناک مصیبتوں کا خاتمہ کر دے۔