وَمَن يُطِعِ اللَّهَ وَرَسُولَهُ وَيَخْشَ اللَّهَ وَيَتَّقْهِ فَأُولَٰئِكَ هُمُ الْفَائِزُونَ
اور جو لوگ اللہ اور اس کے رسول کی اطاعت کریں گے، اور اللہ سے ڈریں گے اور اس کا تصور کر کے تقوی کی راہ اختیار کریں گے تو وہی لوگ کامیاب ہونے والے ہیں۔
حضرت عمر بن خطاب رضی اللہ عنہ فرماتے ہیں اسلام کا مضبوط کڑا اللہ کی وحدانیت کی گواہی، نماز کی پابندی، زکوٰۃ کی ادائیگی اور مسلمانوں کے بادشاہ کی اطاعت ہے۔ (ابن کثیر: ۳/ ۶۳۰) یعنی فلاح وکامیابی کے مستحق صرف وہ لوگ ہیں جو اللہ اور رسول صلی اللہ علیہ وسلم کے تابع فرمان بن جائیں، جو حکم ملے اسے بجا لائیں، جس چیز سے روک دیں، رک جائیں، جو گناہ ہو جائے اس سے خوف کھاتے رہیں، آئندہ کے لیے اس سے بچتے رہیں، ایسے لوگ تمام بھلائیوں کو سمیٹنے والے اور تمام برائیوں سے بچ جانے والے ہیں، دنیا وآخرت میں وہ نجات یافتہ ہیں۔