سورة المؤمنون

وَهُوَ الَّذِي ذَرَأَكُمْ فِي الْأَرْضِ وَإِلَيْهِ تُحْشَرُونَ

اور اسی نے تمہیں زمین پر پیدا (٢٤) کیا ہے، اور اسی کے پاس تم سب اکٹھا کیے جاؤ گے۔

اس آیت میں اللہ کی قدرت عظیمہ کا بیان ہے کہ تمہیں ایک نفس سے پیدا کر کے مختلف اطراف میں پھیلا دیا ہے۔ تمہارے رنگ بھی ایک دوسرے سے مختلف ہیں، زبانیں بھی مختلف اور عادات و رسومات بھی مختلف۔ پھرایک وقت آئے گا کہ تم سب کو زندہ کر کے وہ اپنی بارگاہ میں جمع فرمائے گا۔