سورة الحج - آیت 51

وَالَّذِينَ سَعَوْا فِي آيَاتِنَا مُعَاجِزِينَ أُولَٰئِكَ أَصْحَابُ الْجَحِيمِ

ترجمہ تیسیر الرحمن لبیان القرآن - محمد لقمان سلفی صاحب

اور جو لوگ رسول اللہ اور مسلمانوں کو عاجز بنانے کے لیے ہماری آیتوں کے خلاف سازش میں کوشاں رہتے ہیں، وہی لوگ جہنمی ہیں۔

تسہیل البیان فی تفسیر القرآن - ام عمران شکیلہ بنت میاں فضل حسین

یعنی ہماری آیات کا انکار کر کے اور اسلام کے راستے میں روکاوٹیں کھڑی کر کے لوگ یہ سمجھے بیٹھے ہیں کہ اس طرح اسلام اور اہل اسلام کو دبا لیں گے یہ ان کی بھول ہے البتہ ان کے کرتوتوں کے عوض انھیں جہنم کا عذاب ضرور ہوگا۔ تفسیر طبری میں ہے: ’’جو لوگ اوروں کو بھی اللہ اور رسول کی اطاعت سے روکتے ہیں وہ جہنمی ہیں۔ وہ سخت عذابوں اور تیز آگ کا ایندھن ہیں۔‘‘ اللہ تعالیٰ ہمیں بچائے۔ (آمین)