سورة الأنبياء

قُلْ مَن يَكْلَؤُكُم بِاللَّيْلِ وَالنَّهَارِ مِنَ الرَّحْمَٰنِ ۗ بَلْ هُمْ عَن ذِكْرِ رَبِّهِم مُّعْرِضُونَ

اے میرے رسول ! آپ کافروں سے پوچھیے کہ رات اور دن میں رحمن کے عذاب سے تمہاری حفاظت (اس کے سوا) کون کرتا ہے، بلکہ وہ لوگ اپنے رب کی یاد سے منہ موڑے ہوئے ہیں۔

ان کافروں کی کرتوتیں تو ا س لائق ہیں کہ انھیں کسی بھی وقت رات کو یا دن کو اللہ کا عذاب آلے، یہ تو اللہ کی رحمت واسعہ اور اس کی خاص مہربانی ہے کہ لوگوں کی خطاؤں پر فوراً گرفت نہیں کرتا اور اگر ان کے پاس عذاب آجائے تو ان کے پاس کون سا ذریعہ ہے جس سے وہ اللہ کے عذاب سے بچ سکیں، گے، یا وہ کون سی ہستی ہے جو اللہ کے علاوہ انھیں عذاب سے بچا سکتی ہے یہ تو اللہ کی خاص رحمت ہے جو ان کی خطاؤں کے باوجود انھیں مہلت دیے جاتا ہے۔ لیکن ان کی یہ حالت ہے کہ اس کا ذکر بھی سننا گوارا نہیں کرتے۔