سورة الأنبياء

وَمَا أَرْسَلْنَا قَبْلَكَ إِلَّا رِجَالًا نُّوحِي إِلَيْهِمْ ۖ فَاسْأَلُوا أَهْلَ الذِّكْرِ إِن كُنتُمْ لَا تَعْلَمُونَ

اور ہم نے آپ سے پہلے صرف مردوں کو رسول (٦) بنا کر بھیجا تھا جن پر ہم وحی نازل کرتے تھے، اگر تمہیں معلوم نہیں ہے تو اہل کتاب (یہود و نصاری) سے پوچھ لو۔

مشرکین رسول اللہ صلی اللہ علیہ وسلم کی بشریت کے منکر تھے۔ کفار مکہ کے ایک بنیادی اعتراض کا جواب دیا جاتا ہے، اعتراض یہ تھا کہ یہ نبی ہم ہی جیسا ایک بشر ہے سب بشری کمزوریاں اور بشری تقاضے اس میں موجود ہیں وہ ہماری طرح ہی کھانے پینے، چلنے پھرنے کا محتاج ہے ہماری طرح شادیاں بھی کرتا ہے۔ مزید براں نہ تو اسے کوئی دنیوی جاہ و حشم میسر ہے۔ نہ کوئی فرشتہ ہی اس کے ساتھ رہتا ہے۔