سورة طه - آیت 66

قَالَ بَلْ أَلْقُوا ۖ فَإِذَا حِبَالُهُمْ وَعِصِيُّهُمْ يُخَيَّلُ إِلَيْهِ مِن سِحْرِهِمْ أَنَّهَا تَسْعَىٰ

موسی نے کہا بلکہ تم ہی پہلے ڈالو، تو ان کے جادو کے زیر اثر انہیں ایسا دکھائی دینے لگا کہ جیسے ان کی رسیاں اور لاٹھیاں زمین پر دوڑ رہی ہیں۔

حضرت موسیٰ علیہ السلام نے انھیں اپنا کرتب دکھانے کے لیے کہا، تاکہ ان پر واضح ہو جائے کہ وہ جادوگروں کی اتنی بڑی تعداد سے جو فرعون جمع کرکے لے آیا ہے۔ ان سے اور اسی طرح ان کے ساحرانہ کمال اور کرتبوں سے خوف زدہ نہیں ہیں۔ پھر اسی وقت جادوگروں نے اپنی رسیاں اور لاٹھیاں میدان میں ڈال دیں۔ کچھ ایسا محسوس ہونے لگا کہ وہ سانپ بن کر چل پھر رہی ہیں او رمیدان میں دوڑ بھاگ رہی ہیں۔