سورة مريم - آیت 55

وَكَانَ يَأْمُرُ أَهْلَهُ بِالصَّلَاةِ وَالزَّكَاةِ وَكَانَ عِندَ رَبِّهِ مَرْضِيًّا

ترجمہ تیسیر الرحمن لبیان القرآن - محمد لقمان سلفی صاحب

اور اپنے گھر والوں کو نماز اور زکوۃ کا حکم دیتے تھے اور وہ اپنے رب کے نزدیک بڑے پسندیدہ تھے۔

تسہیل البیان فی تفسیر القرآن - ام عمران شکیلہ بنت میاں فضل حسین

اصلاح کا آغاز گھر سے ہونا چاہیے: اس آیت سے دو باتیں معلوم ہو ئیں ایک یہ کہ اصلاح اور دین کی دعوت کا آغاز اپنے بعد اپنے گھر سے کرنا چاہیے۔ پھر بتدریج اس کا حلقہ وسیع کرتے جانا چاہیے۔ اور یہی پیغمبروں اور سلف صالحین کا دستور رہا ہے۔ دوسرا یہ کہ نماز اور زکوٰۃ ایسے اہم ارکان اسلام ہیں جن کا حکم تمام انبیاء کی شریعتوں میں موجود رہا ہے۔