سورة مريم - آیت 15

وَسَلَامٌ عَلَيْهِ يَوْمَ وُلِدَ وَيَوْمَ يَمُوتُ وَيَوْمَ يُبْعَثُ حَيًّا

اور اللہ کی سلامتی ان کے شامل حال رہی جس دن وہ پیدا ہوئے اور اس دن بھی رہے گی جب وہ وفات پائیں گے اور جس دن زندہ اٹھائے جائیں گے۔

تین مواقع انسان کے لیے سخت وحشت ناک ہوتے ہیں (۱) جب انسان رحم مادر سے باہر آتا ہے۔ (۲)جب موت کا شکنجہ اسے اپنی گرفت میں لیتا ہے۔ (۳)اور جب اسے قبر سے زندہ کرکے اُٹھایا جائے گا تو وہ اپنے کو میدان حشر کی ہولناکیوں میں گھرا ہوا پائے گا۔ اللہ تعالیٰ نے فرمایا کہ حضرت یحییٰ علیہ السلام کے لیے ان تینوں جگہوں میں ہماری طرف سے سلامتی اور امان ہے۔