سورة البقرة - آیت 209

فَإِن زَلَلْتُم مِّن بَعْدِ مَا جَاءَتْكُمُ الْبَيِّنَاتُ فَاعْلَمُوا أَنَّ اللَّهَ عَزِيزٌ حَكِيمٌ

ترجمہ تیسیر الرحمن لبیان القرآن - محمد لقمان سلفی صاحب

پس اگر تم لوگ، اپنے پاس کھلی نشانیاں آجانے کے بعد بھی، (راہ حق سے) پھسل (299) جاؤ گے تو یقین جانو کہ اللہ بڑا زبردست بڑی حکمتوں والا ہے

تسہیل البیان فی تفسیر القرآن - ام عمران شکیلہ بنت میاں فضل حسین

روشن دلیلیں سے مرادا سلام کے انسانی زندگی کے ہر پہلو میں واضح احکام ہیں كہ اگر آجانے کے بعد تم پوری طرح اسلام میں داخل نہ ہوئے اور دوغلی پالیسی اختیار کی یعنی جن احکام پرچاہا عمل کرلیا۔ اور جہاں کوئی بات طبیعت کو ناگوار گزری یا کسی نقصان کا خطرہ محسوس ہوا وہاں اپنی مرضی کرلی اور اسلام کے احکام کو پس پشت ڈال دیا تو جان لو کہ اللہ بڑا زبردست اورحکمت والا ہے۔