سورة الإسراء - آیت 54

رَّبُّكُمْ أَعْلَمُ بِكُمْ ۖ إِن يَشَأْ يَرْحَمْكُمْ أَوْ إِن يَشَأْ يُعَذِّبْكُمْ ۚ وَمَا أَرْسَلْنَاكَ عَلَيْهِمْ وَكِيلًا

ترجمہ تیسیر الرحمن لبیان القرآن - محمد لقمان سلفی صاحب

تمہارا رب تمہیں خوب جانتا ہے، وہ چاہے تو تم پر رحم کرے یا چاہے تو تمہیں عذاب دے، اور ہم نے آپ کو ان کا ذمہ دار بنا کر نہیں بھیجا ہے۔

تسہیل البیان فی تفسیر القرآن - ام عمران شکیلہ بنت میاں فضل حسین

اللہ تعالیٰ اپنے بندوں کے حال سے بخوبی واقف ہے۔ وہ ہدایت کے مستحق لوگوں کو بخوبی جانتا ہے جس پر چاہتا ہے رحم کرتا ہے اپنی اطاعت کی توفیق دیتا ہے اور اپنی جانب جھکا لیتا ہے۔ اسی طرح جسے چاہے اس کی بد اعمالیوں پر پکڑ لیتا ہے اور سزا دیتا ہے۔ اللہ تعالیٰ اپنے نبی سے فرماتے ہیں کہ ہم نے تمھیں ان کا ذمہ دار نہیں بنایا۔ تیرا کام صرف ہو شیار کر دینا ہے۔ تیری بات ماننے والے جنتی ہوں گے اور نہ ماننے والے دوزخی ہوں گے۔