سورة الإسراء

وَيَدْعُ الْإِنسَانُ بِالشَّرِّ دُعَاءَهُ بِالْخَيْرِ ۖ وَكَانَ الْإِنسَانُ عَجُولًا

اور آدمی (٥) کبھی اپنے لیے برائی اور بدبختی کی دعا اسی طرح کرنے لگتا ہے جس طرح بھلائی کی دعا کرتا ہے، انسان بہت ہی عجلت پسند واقع ہوا ہے۔

بددعا اور انسان: یعنی انسان کبھی کبھی دل گیر اور نااُمید ہو کر اپنی ہلاکت کے لیے اس طرح بدعا کرتا ہے جس طرح اپنی بھلائی کے لیے اپنے رب سے دعائیں کرتا ہے۔ کبھی اپنے مال کے لیے بد دعا کرتا ہے کبھی اولاد کے لیے، کبھی موت کی، کبھی بربادی اور لعنت کی۔ لیکن اس کا اللہ پر خود اس سے بھی زیادہ مہربان ہے تفسیر طبری میں ہے، کہ ’’ادھر وہ دعا کرتے اُدھر رب قبول فرمالے تو ابھی ہلاک ہو جائے۔‘‘ ایک حدیث میں آتا ہے کہ ’’اپنی جان و مال کے لیے بد دعا نہ کرو ایسا نہ ہو کہ قبولیت کی ساعت میں ایسا کوئی کلمہ منہ سے نکل جائے۔‘‘(مسلم: ۳۰۰۹)