سورة النحل

أَوْ يَأْخُذَهُمْ فِي تَقَلُّبِهِمْ فَمَا هُم بِمُعْجِزِينَ

یا انہیں اس وقت پکڑ لے جب وہ زمین میں چل پھر رہے ہوں پس وہ (کسی بھی حال میں) عاجز نہیں کرسکیں گے۔

(۲) چلتے پھرتے دوسری قسم کے عذاب: وہ ہیں جو دوران سفر پیش آتے ہیں ۔جیسے کوئی دیوہیکل وہیل مچھلی کسی جہاز کو ٹکر مار کر اسے غرق کردے یا کسی بحری، بری جہاز یا کسی طرح کی دوسری گاڑی کاانجن خراب ہوجائے یا چلنا بند ہوجائے یا ریلوں یا بسوں کاتصادم ہوجائے یا کوئی بس کسی کھڈ میں گر جائے اور مسافر غرق ہوجائیں یا ہلاک ہوجائیں۔