سورة النحل

وَإِن تَعُدُّوا نِعْمَةَ اللَّهِ لَا تُحْصُوهَا ۗ إِنَّ اللَّهَ لَغَفُورٌ رَّحِيمٌ

اور اگر تم اللہ کی نعمتوں (١١) کو شمار کرنا چاہو گے تو انہیں شمار نہیں کرسکو گے، بیشک اللہ بڑا مغفرت کرنے والا بے حد رحم کرنے والا ہے۔

اللہ کی نعمتوں کاشمار ناممکن ہے: یہ چند موٹی موٹی چیزیں ذکر کی گئی ہیں لیکن اگرتم ان کی جزئیات میں یا دوسری چیزوں میں غور کرو تو اللہ کی اس قدر نعمتیں ہیں کہ تمہاری گنتی میں بھی نہیں آ سکتی ۔ انسان کو چاہیے تو یہ تھاکہ ان نعمتوں کی وجہ سے وہ اللہ کاشکرگزار بنتامگر اس نے اُلٹا اللہ کے شریک بناناشروع کردیے ۔ پھر بھی اللہ ان کے ایسے جرائم سے درگزر کرتے ہوئے انھیں معاف فرمادیتاہے۔ تمہاری تقصیروں سے تجاوز کرلیتاہے۔ بڑا ہی رحیم ہے تو بہ کے بعد عذاب نہیں کرتا۔