سورة الحجر

وَلَوْ فَتَحْنَا عَلَيْهِم بَابًا مِّنَ السَّمَاءِ فَظَلُّوا فِيهِ يَعْرُجُونَ

اور اگر ہم کافروں کے لیے آسمان کا ایک دروازہ (١٠) کھول دیں اور وہ اس میں چڑھتے چلے جائیں۔

کافر ہٹ دھرم ہوتے ہیں۔ ان کی سرکشی، ہٹ دھرمی، ضد اور باطل پرستی کی کیفیت تو یہ ہے کہ بالفرض ان کے لیے آسمان کے دروازے کھول دیے جائیں اور یہ ان دروازوں سے آسمان پر آئیں جائیں، تب بھی انھیں اپنی آنکھوں پر یقین نہ آئے اور وہ رسولوں کی تصدیق نہ کریں بلکہ یہ کہیں کہ ہماری نظربندی کردی گئی ہے ۔ ہم پر جادو کردیا گیاہے، جس کی وجہ سے ہم ایسا محسوس کررہے ہیں کہ ہم آسمان پر آ جارہے ہیں، حالانکہ ایسانھیں ہے۔