سورة الحجر - آیت 6

وَقَالُوا يَا أَيُّهَا الَّذِي نُزِّلَ عَلَيْهِ الذِّكْرُ إِنَّكَ لَمَجْنُونٌ

ترجمہ تیسیر الرحمن لبیان القرآن - محمد لقمان سلفی صاحب

اور کفار مکہ نے مذاق اڑاتے ہوئے کہا (٥) اے وہ شخص جس پر قرآن نازل کیا گیا ہے تو یقینا پاگل ہے۔

تسہیل البیان فی تفسیر القرآن - ام عمران شکیلہ بنت میاں فضل حسین

یہ کافروں کے کفر وعناد کابیان ہے کہ وہ نبی صلی اللہ علیہ وسلم کو دیوانہ کہتے ہیں اور بطور ہنسی مذاق رسول اللہ صلی اللہ علیہ وسلم سے کہتے ہیں کہ اگر تم کہتے ہو کہ تجھ پر اللہ کاکلام قرآن اُتر رہاہے تو ہم دیکھتے ہیں کہ توسراسر دیوانہ ہے اور اپنی تابعداری کی طرف ہمیں بلا رہاہے اور ہم سے کہہ رہاہے کہ ہم اپنے باپ داداؤں کا دین چھوڑ دیں ۔ اگر تو سچاہے تو ہمارے پاس فرشتوں کو کیوں نہیں لاتا جو تیری سچائی ہم پر بیان کریں یا ہمیں ہلاک کردیں۔