سورة الرعد

الَّذِينَ يُوفُونَ بِعَهْدِ اللَّهِ وَلَا يَنقُضُونَ الْمِيثَاقَ

اور جو لوگ (٢٠) اللہ سے کیے گئے وعدے کو پورا کرتے ہیں اور عہد شکنی نہیں کرتے ہیں۔

ہدایت قبول کرنے والوں کی صفات: اگلی آیات میں ایسی چند صفات کا ذکر ہے جن پر عمل کرنے والے جنت کے وارث بنیں گے (۱)پہلی صفت یہ کہ وہ اللہ سے کیے ہوئے عہد کو پورا کرتے ہیں اس عہد سے مراد عہد الست ہے جو ہر انسان کی فطرت میں ودیعت کر دیا گیا ہے۔ اور جب انسان یہ محسوس کرتا ہے کہ وہ اسی کے عطا کردہ رزق پر پرورش پا رہا ہے۔ اور اُسی کی عطا کردہ قوتوں کو استعمال کر رہا ہے تو اُسے از خود یہ اندازہ ہو جاتا ہے کہ پھر بندگی کے لائق بھی صرف وہی ہو سکتا ہے۔ (۲)دوسری صفت یہ ہوتی ہے کہ وہ دوسرے لوگوں سے کہیے ہوئے عہد کو بھی نہیں توڑتے اس میں خرید و فروخت، لین دین اور نکاح وغیرہ سب شامل ہیں