قَالَ هَلْ آمَنُكُمْ عَلَيْهِ إِلَّا كَمَا أَمِنتُكُمْ عَلَىٰ أَخِيهِ مِن قَبْلُ ۖ فَاللَّهُ خَيْرٌ حَافِظًا ۖ وَهُوَ أَرْحَمُ الرَّاحِمِينَ
یعقوب نے کہا (٥٦) اس کے بارے میں تم پر میرا بھروسہ کرنا ویسا ہی ہوگا جیسا میں نے اس کے قبل اس کے بھائی کے بارے میں تم پر بھروسہ کیا تھا، اس لیے اللہ ہی سب سے اچھا حفاظت کرنے والا ہے، اور وہ سب سے زیادہ مہربان ہے۔
یعقوب علیہ السلام نے کہا کہ تم نے یوسف علیہ السلام کو بھی ساتھ لے جاتے وقت اسی طرح حفاظت کا وعدہ کیا تھا لیکن جو کچھ ہوا، وہ تمھارے سامنے ہے اب میں تمھارا کس طرح اعتبار کروں؟ چونکہ غلہ کی ضرورت شدید تھی اس لیے اندیشے کے باوجود بنیامین کو ساتھ بھیجنے سے انکار مناسب نہیں سمجھا۔ اور اللہ پر بھروسہ کرتے ہوئے ساتھ بھیجنے پر آمادگی ظاہر کر دی۔ وہی رحم کرنے والا ہے: آپ علیہ السلام فرماتے ہیں کہ اللہ تعالیٰ ہی بہترین محافظ اور نگہبان ہے۔ میرے بڑھاپے اور میری کمزوریوں پر وہ رحم فرمائے گا اور جو رنج و غم مجھے اپنے بچے کا ہے۔ وہ دور کر دے گا۔ اور میرے بچے یوسف علیہ السلام کو مجھ سے پھر ملا دے گا۔