سورة ھود - آیت 104

وَمَا نُؤَخِّرُهُ إِلَّا لِأَجَلٍ مَّعْدُودٍ

ترجمہ تیسیر الرحمن لبیان القرآن - محمد لقمان سلفی صاحب

اور ہم ایک مقررہ وقت تک اس میں تاخیر کر رہے ہیں۔

تسہیل البیان فی تفسیر القرآن - ام عمران شکیلہ بنت میاں فضل حسین

قیامت میں تاخیر کی وجہ صرف یہ ہے کہ اللہ تعالیٰ نے اس کے لیے ایک وقت معین کیا ہوا ہے۔ جب وہ مقررہ وقت آجائے گا تو ایک لمحہ کی تاخیر نہیں ہوگی۔ قیامت کی بہت سی نشانیاں حدیث میں مذکور ہیں قیامت بدترین لوگوں پر قائم ہوگی۔ حدیث میں ہے کہ قیامت اس وقت قائم ہوگی جب برائی اتنی عام ہو جائے گی کہ تمام نیک لوگ دنیا سے اٹھ جائیں گے اور یا اُٹھا لیے جائیں گے۔