سورة ھود - آیت 96

وَلَقَدْ أَرْسَلْنَا مُوسَىٰ بِآيَاتِنَا وَسُلْطَانٍ مُّبِينٍ

اور ہم نے موسیٰ (٨٠) کو اپنے معجزات اور روشن دلیل دے کر بھیجا۔

حضرت موسیٰ علیہ السلام بڑے مضبوط جسم کے طاقتور، جرأت مند اور جلالی طبیعت کے مالک تھے ادھر فرعون خود کو خدا بنا بیٹھا تھا۔ اللہ تعالیٰ نے حضرت موسیٰ علیہ السلام کو نبوت کے ساتھ معجزے بھی عطا کیے جس کی بنا پر آپ بلا روک ٹوک فرعون کے کھلے دربار میں چلے گئے اور سب درباریوں کے سامنے اسے اللہ تعالیٰ کا پیغام پہنچا دیا کہ ایک اللہ کی حاکمیت تسلیم کرے اور اپنی خدائی سے دست بردار ہو جائے اور بنی اسرائیل پر ظلم کرنا چھوڑ دے اور انھیں اپنی غلامی سے آزاد کر کے حضرت موسیٰ علیہ السلام کے ہمراہ روانہ کر دے۔