سورة ھود - آیت 71

وَامْرَأَتُهُ قَائِمَةٌ فَضَحِكَتْ فَبَشَّرْنَاهَا بِإِسْحَاقَ وَمِن وَرَاءِ إِسْحَاقَ يَعْقُوبَ

ترجمہ تیسیر الرحمن لبیان القرآن - محمد لقمان سلفی صاحب

اور ان کی بیوی کھڑی تھی (٥٨) وہ ہنسنے لگی، پس ہم نے اسے اسحاق کی خوشخبری دی اور اسحاق کے بعد یعقوب کی۔

تسہیل البیان فی تفسیر القرآن - ام عمران شکیلہ بنت میاں فضل حسین

سیدہ سارہ کو خوشخبری دینا: حضرت سارہ قوم لوط کی ہلاکت کی خبر سن کر خوش ہوئیں جس سے ان کی ہنسی نکل گئی۔ اسی وقت انھیں ایک دوسری بھی خوش خبری ملی کہ اس نااُمیدی کی عمر میں آپ کو اللہ تعالیٰ بیٹا عطا کرے گا جس کا نام اسحاق ہو گا اور یہ بھی بتایا کہ اسحاق کے بعد اس سے یعقوب بھی ویسا ہی اولوالعزم پیغمبر پیدا ہوگا۔ حضرت سارہ بے اولاد تھیں اس لیے انھیں یہ خوشخبری دی گئی جب کہ حضرت ابراہیم علیہ السلام صاحب اولاد تھے اور آپ علیہ السلام کی دوسری بیوی حاجرہ کے بطن سے سیدنا اسماعیل علیہ السلام پیدا ہو چکے تھے۔