سورة التوبہ - آیت 62

يَحْلِفُونَ بِاللَّهِ لَكُمْ لِيُرْضُوكُمْ وَاللَّهُ وَرَسُولُهُ أَحَقُّ أَن يُرْضُوهُ إِن كَانُوا مُؤْمِنِينَ

ترجمہ تیسیر الرحمن لبیان القرآن - محمد لقمان سلفی صاحب

وہ لوگ تمہارے سامنے اللہ کی قسم (48) کھاتے ہیں تاکہ تمہیں خوش رکھیں، حالانکہ اگر وہ مومن ہوتے تو اللہ اور اس کے رسول زیادہ حقدار تھے کہ انہیں خوش رکھتے

تسہیل البیان فی تفسیر القرآن - ام عمران شکیلہ بنت میاں فضل حسین

منافقوں کی جب کوئی سازش یا دغابازی پکڑی جاتی تو فوراً مکر جاتے اور قسمیں کھا کر مسلمانوں کو مطمئن اور راضی کرنے کی کوششیں کرتے، حالانکہ اگر اب بھی یہ اللہ سے ڈرجاتے اور اپنی غلطیوں اور گناہوں کا اعتراف کرکے اللہ اور اسکے رسول صلی اللہ علیہ وسلم کو راضی کرنے کی کوشش کرتے تو یہ فی الواقع ان کے اللہ پر یقین رکھنے کی دلیل بن سکتی تھی۔