فَلَمَّا آتَاهُمَا صَالِحًا جَعَلَا لَهُ شُرَكَاءَ فِيمَا آتَاهُمَا ۚ فَتَعَالَى اللَّهُ عَمَّا يُشْرِكُونَ
پس جب اللہ نے ان دونوں کو ایک تندرست بچہ دیا، تو اللہ نے انہیں جو دیا اس میں اللہ کا دوسروں کو شریک بنانے لگے، اللہ ان کے شرکیہ اعمال سے برتر و بالا ہے
شریک بنانے سے مراد : یا تو بچے کا نام ایسا رکھنا مثلاً امام بخش، پیراں دتہ، عبدالشمس وغیرہ جس سے یہ اظہارہوتاکہ یہ بچہ فلاں بزرگ، فلاں پیر (نعوذ باللہ) کی نظرکرم کا نتیجہ ہے یا پھر اپنے اس عقیدے کا اظہار کر ناکہ فلاں بزرگ یا فلاں قبر پر گئے تھے، جس کے نتیجہ میں یہ بچہ پیدا ہوا ہے، یا کسی مرد ے کے نام کی نذر نیاز دینا، یا بچہ کا کسی قبر پر لے جا کر ماتھا ٹکانا کہ ان کے طفیل بچہ پیدا ہواہے،یہ ساری صورتیں اللہ کا شریک ٹھہرانے کی ہیں، جو بدقسمتی سے مسلمانوں میں بھی یہ سب باتیں آج کل عام ہیں ۔ ارشاد نبوی صلی اللہ علیہ وسلم ہے کہ: ’’بچہ تو دین فطرت پر پیدا ہوتا ہے،یہ اُس کے ماں باپ ہیں جو اُسے عیسائی،یہودی یا مجوسی بنا دیتے ہیں۔‘‘ (بخاری: ۱۳۵۹)