سورة الاعراف - آیت 151

قَالَ رَبِّ اغْفِرْ لِي وَلِأَخِي وَأَدْخِلْنَا فِي رَحْمَتِكَ ۖ وَأَنتَ أَرْحَمُ الرَّاحِمِينَ

ترجمہ تیسیر الرحمن لبیان القرآن - محمد لقمان سلفی صاحب

موسی نے کہا کہ اے میرے رب ! مجھے اور میرے بھائی کو معاف (83) کردے اور ہمیں اپنی رحمت میں داخل کردے اور تو سب سے بڑا رحم کرنے والا ہے

تسہیل البیان فی تفسیر القرآن - ام عمران شکیلہ بنت میاں فضل حسین

حضرت موسیٰ علیہ السلام کی بھائی کے لیے دُعا مغفرت : حضرت ہارون علیہ السلام کے حلیمانہ جواب سے حضرت موسیٰ علیہ السلام کی طبیعت کچھ اعتدال پر آئی تو سمجھے کہ انھوں نے اپنے بھا ئی پر زیادتی کی ہے، لہذا فوراَ اپنے پروردگار کی طرف رجوع کیا اور دُعا کی کہ مجھے بھی بخش دے اور میرے بھا ئی سے بھی اگر ان لوگوں کو شرک سے باز رکھنے میں کچھ کوتاہی واقعہ ہوئی ہے تو اسے بھی معاف فرمادے اور ہمیں اپنی رحمت سے ڈھانپ لے۔