وَكَتَبْنَا لَهُ فِي الْأَلْوَاحِ مِن كُلِّ شَيْءٍ مَّوْعِظَةً وَتَفْصِيلًا لِّكُلِّ شَيْءٍ فَخُذْهَا بِقُوَّةٍ وَأْمُرْ قَوْمَكَ يَأْخُذُوا بِأَحْسَنِهَا ۚ سَأُرِيكُمْ دَارَ الْفَاسِقِينَ
اور ہم نے تختیوں (76) میں ہر چیز کے بارے میں ضروری تعلیم و نصیحت اور ہر چیز کی تفصیل لکھ دی، تو آپ اسے مضبوطی کے ساتھ تھام لیجئے، اور اپنی قوم کو ان اچھی باتوں پر عمل کرنے کا حکم دیجئے، میں عنقریب آپ کو فسق کرنے والوں کا انجام (77) دکھاؤں گا
اللہ تعالیٰ نے موسیٰ علیہ السلام سے فرمایا اے موسیٰ علیہ السلام کلام تمہیں تختیوں میں لکھ کر دیاہے اُسے مضبوطی اور استقامت رکھ کر عمل کرو اور اپنی قوم کو بھی اس پر عمل کرنے کے لیے حکم دو ۔اوراس نعمت پر شکر بجا لایا کرو، ان میں تمام دینی احکام، امر ونہی اور ترتیب و تر ہیب کی پوری تفصیل درج ہے، اسی پر عمل کریں اور ان احکام کی عبارت کو فلسفیانہ موشگافیوں اور اُلٹی سیدھی تاویلات میں مشغول نہ ہوجائیں۔ فاسقوں کا گھر ۔ یعنی تم لوگ اب شام کی طرف جارہے ہو راستے میں تمہیں کئی تباہ شدہ قوموں کے آثار قدیمہ ملیں گے، جس سے تمہیں معلوم ہوجائے گا کہ اللہ کی نافرمان قوموں کا انجام کیا ہوتا ہے، ایک مطلب یہ بھی ہوسکتا ہے، کہ میں تمہیں شام کے نافرمانوں کے گھروں کا مالک بنا دوں گا۔