سورة الاعراف

أَفَأَمِنَ أَهْلُ الْقُرَىٰ أَن يَأْتِيَهُم بَأْسُنَا بَيَاتًا وَهُمْ نَائِمُونَ

کیا بستیوں والے اپنے آپ کو اس بات سے امن میں سمجھ رہے ہیں کہ ہمارا عذاب ان پر راتوں رات آجائے جب وہ سو رہے ہوں

ان آیات سے ایک بات تو یہ معلوم ہوتی ہے کہ اللہ کا عذاب دفعتاً آتا ہے، جبکہ لوگ اس سے بالکل بے خبر اور غافل ہوتے ہیں ۔ خواہ رات کو آئے جب وہ غفلت کی نیند سو رہے ہوں یا دن کے وقت جب وہ اپنے کا م کاج یا کھیل تفریح میں مشغول ہوں ۔ گویا موت کی طرح اسکا بھی کوئی وقت مقرر نہیں، موت کے آثار تو بسا اوقات محسوس ہونے لگتے ہیں مگر ایسی گرفت ہمیشہ ناگہانی طور پر ہی آتی ہے ۔ امام حسن بصری کا قول ہے کہ: ’’مومن نیکیا ں کرتا ہے اور پھرڈرتا رہتا ہے ۔اور فاسق فاجر شخص بُرائیاں کرتا ہے اور بے خوف رہتا ہے ۔ نتیجے میں مومن امن پاتا ہے اور فاجر پیس دیا جا تا ہے۔‘‘