سورة الاعراف - آیت 96

وَلَوْ أَنَّ أَهْلَ الْقُرَىٰ آمَنُوا وَاتَّقَوْا لَفَتَحْنَا عَلَيْهِم بَرَكَاتٍ مِّنَ السَّمَاءِ وَالْأَرْضِ وَلَٰكِن كَذَّبُوا فَأَخَذْنَاهُم بِمَا كَانُوا يَكْسِبُونَ

ترجمہ تیسیر الرحمن لبیان القرآن - محمد لقمان سلفی صاحب

اور اگر بستیوں والے ایمان (53) لے آتے اور تقوی کی راہ اختیار کرتے، تو ہم آسمان و زمین کی برکتیں ان پر کھل دیتے، لیکن انہوں نے رسولوں کو جھٹلایا، تو ہم نے ان کے کیے کی وجہ سے انہیں پکڑ لیا

تسہیل البیان فی تفسیر القرآن - ام عمران شکیلہ بنت میاں فضل حسین

اللہ تعالیٰ فرماتا ہے کہ اگر نبیوں کے آنے پر ان کے اُمتی ان کی صدق دل سے تابعداری کرتے، بُرائیوں سے رُک جاتے اور نیکیاں کرنے لگتے تو ہم ان پر بارشیں برساتے اور زمین سے پیداوار اُگاتے لیکن انھوں نے رسولوں کو جھوٹا سمجھا،بُرائیوں اور حرام کاریوں سے ایک انچ پیچھے نہ ہٹے ۔ اسوجہ سے ہم نے انھیں تباہ کردیا۔